என்னைப் பார்த்தா பாவமா இல்லையா???

 

  இரண்டு நாட்களுக்கு முன்னாடி டேமேஜர் கூட உக்காந்து அந்த ஆளு சொல்லுரதுக்கெல்லாம்.. வழமை போல ஆஹா.. அருமை, அற்புதம்’னு தலையை ஆட்டிகிட்டு இருக்கேன். அப்போ ஒரு ஆளு வந்தாரு. அவரு ஒரு Engineer. அப்பிடினு அவரே சொல்லிக் கிட்டாரு.

கொஞ்ச நேரம் போயிருக்கும், ”தம்பி இப்போ Sony கம்பனி’ல லைட்டர்’லாம் தயாரிக்கிராங்க போல” அப்படின்னார். நம்மளுக்கு உண்மை தெரியாவிட்டாலும் தெரியாது’னு காட்டிக்கலாமா??? அப்டினு நானும் ஆமா ஆமா’னு சொல்லிட்டேன்.

அப்புறம் கொஞ்ச நேரம் போயிருக்கும்,

தம்பி.. என்னப்பா.. இந்த லைட்டர்’ல நெருப்பே வருதில்ல.. ஒரு வேளை கேஸ் முடிஞ்சிருச்சா’???

என்னது??? என் கிட்ட லைட்டரா??’னு பார்த்தா நம்ம Sony Pen Drive’வை ஒரு மார்க்கமா திருகிகிட்டு இருக்காரு. (ஆஹா…!!!! இதையே லைட்டர்’னு சொன்னே???? – மைண்ட் வாய்ஸ்) 

நம்ம Pen Drive

இப்படியே விட்டா நம்ம Pen Drive’வை ஒரு வழி பண்ணிடுவாரு’னு பயந்து,

சார்!! அது லைட்டர் இல்ல சார்.. என்னோட Flash Drive.

அப்போ Flash’ஷே வரல்லையே!!!

ஷப்பா….. சார் அது Pen Drive சார்…

ஆமா!!!  அப்போ இதுல எந்தப் பக்கத்துல முனை இருக்கு.. எப்படி எழுதுவீங்க????

அவ்வ்வ்வ்வ்………..

ஊர், உலகத்துல உள்ள எசகு பிசகான ஆளுங்களுக்கெல்லாம் எவன்’தான் என் அட்ரஸ் குடுக்குரா’ன்னு தெரியலையே!!!!