Thursday 9 June 2016

பத்து எண்ரதுக்குள்ள..Part ii

முதல் பதிவை படிக்க...

பத்து எண்ரதுக்குள்ள..1

தொடர்ச்சி...

Flashback Auto (ஆட்டா) Start




டட்சன்: மச்சி.. எங்க மாமா ஆட்டா ஒன்னு கொண்டு வந்திருக்காரு. இன்னைக்கே அதுல ட்ரைவிங் பழகலனா, அப்புறம் எப்பவுமே இந்த மாதிரி ஒரு சான்ஸ் கிடைக்காது.

வேணாம் மச்சி.. இதுக்கு மேலயும் என் உடம்பு தாங்காது. அது போக நீ பைக்ல ப்ரேக்கை கையால அமுக்கினத இன்னமும் சின்ன பசங்க கூட சொல்லி கலாய்க்கிராங்க.. ஆள விடு..

சரி விடு மச்சி. பழசெல்லாம் இப்போ எதுக்கு?? சைக்கிள்ல விழுந்தோம், பைக்ல விழுந்தோம். என்ன நடந்தாலும் ஆட்டால இருந்து விழப் போறதில்ல. நம்பிக்கையோட வா மச்சி. நம்பிக்கைதானே வாழ்க்கை.

அப்ப்டீங்குர.... சரி.. ஒரு ஆளில்லாத ரோட்டுல வண்டிய விடு.. எதாவது ஏடாகூடமா பண்ணினா நான் வெளிய குதிச்சுடுவேன். ரைட்டா???

டேய்!! மோட்டர் பைக் ஓட்டினவனுக்கு ஆட்டோ ஓட்டுரதுல என்னடா பிரச்சனை??? இப்போ ஸ்கூல் முடியுர நேரம். அந்தப் பக்கம் போறோம்.. ஒரு கலக்கு கலக்குறோம்.

எனக்கு இப்பவே கலக்குதுடா......

நான் நினைத்ததை விட டட்சன் நல்லாத்தான் வண்டி ஓட்டினான். நீ பெரிய ஆளுடா’னு நினைக்குறதுக்குள்ள சடார்னு வண்டிய ஒரு வெட்டு வெட்டு, மூனு சில்லுல போக வேண்டிய வண்டி, ரெண்டு சில்லுல போய், ஒரு சுத்து சுத்தி, ஸ்கூல் கேட் முன்னாடி விழ, நான் அதுக்கு முன்னாடியே வீசிப் பட்டு, பக்கத்திலிருந்த முற் புதருக்குள் விழுந்தேன்.

அட நன்னாரிப் பயலே...முன்னாடியெல்லாம் எதாவது காரணத்தோடு கால வாருவியே!! இன்னைக்கு எதுக்குடா இப்படி??? ஏதோ என்ன அசிங்கப்படுத்துரதுக்காகவே கூட்டி வந்து தள்ளிவிட்ட மாதிரி இருக்குதேடா???

காரணம் இருக்கு.. பைக்ல போகும் போது, ஹெல்மட் இல்லம போனா, போலீஸ கண்டதும் உடனே வண்டிய திருப்பிடுவேன். இன்னைக்கும் ஸ்கூல் பக்கத்துல போலீஸ் யுனிஃபார்ம கண்டதும் ஆட்டோல போறோம்னதும் ஹெல்மட் போடலைனு ஞாபகம் வந்துடுச்சு. ஆட்டா Handleம் பைக் மாதிரியே இருக்கா?? உடனே திருப்பிட்டேன். சாரி மச்சான்...

அடப்பாவி!! எங்கடா அந்தப் போலீஸ்?? அவனுங்கள காணவே இல்லையேடா?

சாரி மச்சி.. விழுந்ததும்தான் பார்த்தேன், அது போலீஸ் இல்ல.. நம்ம ஸ்கூல் பியூன் அண்ணா. யுனிஃபார்ம் ஒரே கலர்ல இருந்ததால கொஞ்சம் கன்பீஸ் ஆயிடுச்சு..

Flashback Auto (ஆட்டா) finished

இவ்வளவு நடந்த பிறகும் எப்படி மச்சான் உன்னால என்ன கூப்பிட முடியுது??

நான் முன்னாடி சொன்னது போல, நம்பிக்கைதான் வாழ்க்கைடா..

டேய்!! உன்ன நம்பினதுல பல முறை என் வாழ்க்கையே கேள்விக் குறியாகி இருக்கு!!!

சரி விட்ரா... உன் ஃப்ரண்டு டட்சன் சாகும் வர ட்ரைவிங் தெரியாமாலே இருந்துட்டு போகட்டும்...

அழாதடா... கேவலமா இருக்கு... சரி நானும் வர்ரேன், ஆனா, உன் மேல உள்ள நம்பிக்கைல இல்ல, உங்க 20 kmph க்கு மேல போகாதுங்குர நம்பிக்கைல வர்ரேன்.

ரொம்ப கஷ்டப்பட்டு ஸ்டார்ட் பண்ணி, பக்கத்து ஊரை நோக்கி கிழம்பினோம்.

டட்சன், இது லீஸிங்க்கு எடுத்த வண்டி இல்லையே?? முன்னாடி ஒரு க்ரேஸிட ஊர்க்காரன் ஒருத்தனோட வண்டில குளிக்க போய், ஈர லுங்கியோட அலைஞ்ச கத தெரியும்ல.....  (ஈர லுங்கியுடன் 20 கி.மீ பயணம்...

அதெல்லாம் இல்லடா, அப்பாவுக்கு ஒருத்தன் கடன் குடுக்க இருந்தான், அதுக்காக அப்பா அவனோட வண்டிய எடுத்துட்டு வந்துட்டாரு..

உன்னையெல்லாம் நம்பி வண்டிய குடுக்கும் போதே யோசிச்சேண்டா... ஆமா.. அந்தாளு தர வேண்டிய கடன் ஒரு 500/- இருக்குமா???

மச்சான், வண்டிதான் பழசு. ஆனா இஞ்சின் புத்தம் புதுசுடா...

ஆமா.. நம்பிட்டோம்..

கொஞ்ச நேரத்தில் பார்த்தால் மேலெல்லாம் எதோ கருப்பா விழுந்திருக்கு, என்னடானு பார்த்தா, கூரைல உள்ள துருவெல்லாம் கழன்று விழுந்திருக்கு, அப்போத்தான் பார்த்தேன், டட்சன் தொப்பி போட்டு வந்திருக்கான்,

பாவி, முன்னாடியே சொல்லியிருந்தா அட்லீஸ்ட் ஒரு குடையாவது எடுத்து வந்திருப்பேன்ல....

வண்டிக்குள்ள குடை பிடிச்சா கேவலமா இருக்கும்டா...

இந்த வண்டில போறது மட்டும் பெருமையாவாடா இருக்கு???

வீட்டிலிருந்து ஒரு அரை கிலோமீட்டர் சென்றிருப்போம். ஒரு குருகிய இடத்துல போகும் போது, முன்னாடி ஒரு மணல் லாரி காரன் வந்துட்டான்.
(ஆஹா.... நான், மணல் லாரி, ட்ரைவராக டட்சன்... அய்ய்யய்யோ.... காம்பினேஷனே சரில்லையே... - மைண்ட் வாய்ஸ்)

லாரிக்கு பக்கமாக போய் நிறுத்திய டட்சன் லாரிய மலைச்சுப் போய் பார்த்துக் கிட்டே இருக்கான். டேய்!! லாரிகாரன் முரட்டு ஆளா இருப்பான் போலிருக்கு, வண்டிய ரிவர்ஸ் எடுடா’னு மூனு நாலு வாட்டி சொன்னதும், திடீர்னு வண்டில இருந்து இறங்கி பின்னாடி ஓடிட்டான்.

அடப்பாவி வண்டிய ரிவர்ஸ்,ல எடுக்கனும்னா நம்ம கிட்ட சொல்ல வேண்டியதுதானே, இவனே போய் லொக்கேஷன் பார்க்கனுமா’னு நானும் நெனச்சு, பாத்துகிட்டே இருக்கேன், ரொம்ப நேரமா ஆளை காணல. திரும்பி பார்த்தா டட்சன்;னு ஒரு ஜீவன் இருந்ததற்கு எந்த அடையாளமுமே தெரியல..



லாரிக் காரன் வேற முரட்டு ஆளு. ஹார்ன் அடிக்க ஆரம்பிச்சுட்டான். சரி நாமளாவது ரிவர்ஸ் எடுக்கலாம்னு பார்த்தா டட்சன் சாவியையும் கழட்டி எடுத்துட்டு ஓடியிருக்கான்.  அடப்பாவி டட்சன் கீழே தள்ளாமலே தலைல மண்ண போட்டியேடா?? - மைண்ட் வாய்ஸ்..

மணல் லாரிக்காரன் வேறு கோபத்தின் உச்சத்துக்கே சென்றுவிட்டான். “மவனே போலீஸ் வந்ததுனு வச்சுக்கோ.. உன்னோட உயிரோட விட மாட்டேன் பாரு” மிரட்ட தொடங்கிவிட்டான். (அடப்பாவிகளா!! மணல் கடத்துர பாட்டியா நீங்க??? எந்த அமைச்சரோட ஆளுங்களா இருப்பானுங்களோ??? - மைண்ட் வாய்ஸ்)

டேய்!! எங்கடா உன் ட்ரைவர்?? அவன் வரலன்னா, இந்த தகர டப்பாவ என் கையாலயே அடிச்சு உடைப்பேன் பாரு???

அந்தளவுக்கெல்லாம் இந்த வண்டி Worth கிடையாதுண்ணே!!! அது போக இந்த வண்டில கை வச்சி Clostridium Tetani Bacterial Infection ஏதாவது வந்துடப்போகுதுண்ணே!! பீ கேர்புல்...

டேய்!!! இங்க்லீஸ்லயா திட்ரே??  இருடா வர்ரேன்..

நான் கொஞ்சமும் பயப்படல.. எவ்வளவு பெரிய ஆளா இருந்தாலும், என் மான் கராத்தேக்கு முன்னால ஈடு குடுக்க முடியாதுங்குர முழு நம்பிக்கை எனக்கிருந்தது. வந்த வழியே திரும்பி ஓட பார்க்கும் போது, தூரத்துல டட்சன் அப்பாவ கூட்டிட்டு வந்துகொண்டிருந்தான்.

அடப்பாவி??? இதுக்காடா அவ்ளோ வேகமா ஓடின?? என் கிட்ட சொல்லியிருக்க வேண்டியதுதானேடா???

சாரி மச்சி!! எனக்கு வண்டிய ரிவர்ஸ் எடுக்க தெரியாது.. அப்பா வேற யாருக்கும் தன் வண்டிய குடுக்குரத விரும்ப மாட்டாரு.. (இத வண்டினு சொல்ரதயே யாரும் விரும்ப மாட்டாங்கடா????) வண்டிக்கு ஏதாச்சும் ஆயிடக் கூடதுல்ல..

அப்படியே குடுத்தாலும் எவனும் எடுக்கவும் விரும்பப் போறதில்ல.. அவனவனுக்கு தன் உயிர் முக்கியமுல்ல...

அத விடு மச்சி.. எப்படியோ கார் ஓட்ட பழகியாச்சு.. அடுத்து ஏரோப்பிளான்’தான்...

அவ்வ்வ்வ்........

Monday 21 March 2016

பத்து எண்ரதுக்குள்ள..... Part i

போன வாரம் நம்ம ஃப்ரெண்டு டட்சனுக்கு கல்யாணம். கல்யாணத்துக்கு போன வேலை (பத்து ப்ளேட்ட முழுங்கியிருப்பே!!!) அவன் வீட்டு முன்னால நிறுத்தியிருந்த காரை பார்த்ததும் (டுபாய்ல இருந்த பழக்கதோஷத்துல பக்கத்துல நிண்ணு போட்டோ எடுத்திருப்பியே) எனக்கு அப்டியே சுருள் சுத்தி ஃப்லேஷ் பேக்குக்கு போக ஆரம்பிச்சுட்டேன்.

சுமார் 10 வருடமிருக்கும். கலேஜ்ல வச்சு, புதுசா அப்பா கார் வாங்கி இருக்குரதா சொன்னான் டட்சன், போய் வண்டிய பாத்துட்டு வந்துரலாம்னு டட்சன் வீட்டுக்கு போனேன்.

என்னா மச்சான்??? வண்டிக்கு கண் திருஷ்டி பட்டுடாம தகர டப்பாவால மூடி வச்சிருக்கீங்கலா....???  அதுக்காக புதிய வண்டிய இவ்ளோ கேவலமாவா மூடுவீங்க???

டேய்!! தகர டப்பாவால மூடலடா... அப்பா வேங்கியிருக்கிற வண்டியே அதுதான்...

கிர்ர்ர்ர்ர்....  டேய்!! இதையா புது வண்டினு சொன்னே???

நான் எப்படா புது வண்டினு சொன்னேன். வண்டி புதுசா வாங்கியிருக்குனுதானே சொன்னேன்.  சரி, வண்டிய பக்கத்து ஆத்துல போய் கழுவிட்டு வருவோமா???

டேய்!! வண்டிய கழுவினா அழுக்குத்தான் போகும்டா, துருப் போகாதுடா.. இத எதுக்குடா கழுவனும்???

மச்சி, யாராவது அவசரமா எங்கையாவது போகனும்னா??? வண்டி கிளீனா இருக்கனும்ல..

அவசரமா போகனும்னா நடந்து போகட்டும்டா.. இந்த வண்டில போறத விட சீக்கிரமா போய்டுவாங்க...

டேய்!! ஹெல்ப் பண்ணு மச்சி, இப்படி எதாவது சொன்னாத்தான் அப்பா வண்டிய குடுப்பாரு. எனக்கும் கொஞ்சம் ட்ரைவிங் பழகிக்கலாம்.

அடப்பாவி உனக்கு ட்ரைவிங்’கே தெரியாதா??? நல்ல வேல இப்பவவாவது சொன்னியே!! உன் கூட நான் பட்ட அனுபவங்கள் ஏராளம். ஆள விட்டா போதும்...

டேய்!! நான் ட்ரைவிங் பழக போகும் போது நண்பன் நீயே வரலனா, வேறு எவண்டா வருவான்???

போகும் போது உன் கூட வருவேன், ஆனா வரும் போது முழுசா வருவேனாங்குரதுதான் என் பிரச்சனை. அப்படியே ஃப்லேஷ் பேக்குக்கு போய் நீ சைக்கிள் பழகினத நெனச்சுப் பாரு.....

Flashback Cycle start



அப்போ எனக்கு பத்து வயசு, நம்மளுக்கு சைக்கிள் ஓட்ட தெரியாது, அதனால எவனாவது சைக்கிள் ஓட்டினா ஓடிப் போய் ஏறிக்குரது வழமை, ஒரு நாள் டட்சன் சைக்கிள்ல வர நானும் ஆர்வக்கோளாருல போய் ஏறிட்டேன். ஒரு வளைவுல போகும் போது,திடீர்னு ஒரு மணல் லாரி வந்து ஹார்ன் அடிக்க, பயந்து போன பரதேசி டட்ஸன் சைக்கிளுடன் சேர்ந்து புதருக்குள் போய் விழ, சிராய்ப்புக் காயங்களோடு நான் உயிர்தப்ப, சேஃப்ஃபாக எனக்கு மேல விழுந்து தப்பிச்சான் டட்சன்.
Flashback Cycle finished'

டேய் டட்சன், ஒரு லாரி ஹார்ன் அடிச்சதுக்கே வண்டியோட விழுந்தவன் நீ. உன்னைய எப்படிட்டா நம்புரது??

சரிடா,.. வாழ்க்கைனா ஒரு சில அடி விழத்தானே செய்யும்??

உன் வாழ்க்கைக்கு விழுர அடிய நீ போய் வாங்குடா, நானும் சேர்ந்து எதுக்கு வாங்கிக் கட்டணும்??? நீ மோட்டர் பைக் பழகினத கொஞ்சம் யோசித்துப் பார்த்தியா???

Flashback Motor Bike start


அப்போ எனக்கு ஒரு 15 வயசிருக்கும். டட்சனோட அப்பா ஒரு மோட்டர் பைக் வாங்கியிருந்தாரு, அந்த பைக் பக்கத்து ஊர்ல வரும்போதே நம்ம ஊர்ல தூங்குர குழந்தைங்க கண் விழுச்சிடும். அவ்ளோ சத்தம். அது என்னவோ தெரியல  டட்சனோட பட்டப் பெயருக்கும் அவனோட அப்பா வச்சிக்கிட்டு இருக்கிர வண்டிக்கும் எப்பவுமே தொடர்பிருக்கும். அந்தக் காலத்துல டட்சன “புடு புடு டட்சன்”னுதான் கூப்பிடுவோம்.

ஒரு குளிர் கால காலை வேலைல டட்சனோட அப்பா பைக்கை ஸ்டார்ட் பண்ர நேரம் பாத்து நம்ம ஃப்ரெண்டு க்ரேஸி குளிர்ல காதை மூட, “டேய்!!! என் பைக் சத்ததுக்கா காத மூடிர’னு அடிக்க விரட்ட....நல்ல வேளை அவர் பைக்ல விரட்டினதால க்ரேஸி ஓடித் தப்பிச்சுட்டான்.

வாழ்க்கைல செஞ்ச பெரிய தப்புக்களில் ஒன்று, டட்சனுக்கு முன்னாடியே நான் பைக் ஓட்ட பழகியதாகத்தான் இருக்கும். அவனுக்கும் பைக் பழக்கி விடச் சொல்லி பண்ணிய டார்ச்சரில், நானும் ஒரு குருட்டு நம்பிக்கையில் கிழம்பினேன்.


டட்சன் நல்லா கேட்டுக்க, சைக்கிள் மாதிரியேதான் மோட்டார் பைக்கும், அதுல மிதிக்கனும், இதுல எக்ஸ்லரேட் பண்ணனும் அவ்வளவுதான் வித்தியாசம். புரியுதா???

ப்பூ... இவ்ளோதானா?? நான் ஏதோ பெரிய மேட்டர்னு பயந்துட்டேன்.

டேய்!! முன்னைய மாதிரி எதாவது வாகனம் வந்து ஹார்ன் அடிச்சா, விழுந்துட மாட்டியே???? பைக்ல விழுந்தா சைக்கிள்ல விழுர மாதிரி கிடையாது, கொஞ்சம் ஜாக்கிரதையா போடா...

மெதுவா டட்சன் வண்டிய கிளப்ப நானும் பின்னாடியிருந்து கொண்டேன். கொஞ்ச தூரம் போகும் முன்னாடி அதே மணல் லாரி வேகமா வந்துகொண்டிருக்க, ஃப்லேஷ் பேக் என் கண்ணு முன்னால வர, மச்சி ப்ரேக்’க பிடிடா’னு நான் சொல்ல, படுபாவி டட்சன் காலுக்கு பக்கத்திலிருந்த ப்ரேக்கை குனிந்து கையால் அமுக்க, அவ்வ்வ்வ்வ்.....

அடப்பாவி டட்ஸன். ப்ரேக்க பிடின்னா அத கையாலயாடா பிடிப்பே!!!

நீதானே சொன்னே, சைக்கிள் ஓட்டுர மாதிரியே ஓட்டனும்னு... சைக்கிள்ல ப்ரேக்க காலாலயா மிதிப்பாங்க??? நாம விழுந்தத யாரும் பாக்கலல...

உங்கப்பன் பைக் வர்ரத ஏதோ ஹெலிகப்டர் வந்துட்டதா நெனச்சு முழு ஊரும் வந்துடுச்சுடா பாக்குரதுக்கு.... அவ்வ்வ்.....

Flashback Motor Bike finished

சரி விடு மச்சி. பழசெல்லாம் இப்போ எதுக்கு?? சைக்கிள்ல விழுந்தோம், பைக்ல விழுந்தோம். என்ன நடந்தாலும் வேன்ல இருந்து விழப் போறதில்ல. நம்பிக்கையோட வா மச்சி. நம்பிக்கைதானே வாழ்க்கை.

கொஞ்சம் நிறுத்துடா டட்ஸன். இந்த டையலாக்க எங்கயோ கேட்ட மாதிரி இருக்கே!!! டேய்!! ஆட்டோ பழகும் போதும் இதையேதானே சொன்னே?? ஆனா என்ன நடந்ததுனு நல்லா யோசிச்சுப் பாரு....

Auto flashback  adutha pathivil. ..

Monday 9 November 2015

மைனர் குஞ்ச சுட்டுட்டேன்...



ஊருக்கு ஊர் கல்யாண ப்ரோக்கர் இருந்தாலும்,காதல் கத்தரிக்கானு எத்தன ஜோடு ஊர விட்டு ஓடிப் போனாலும் எரும வயசாகியும் (எருமைக்கு எத்தன வயசு?னு கேக்கப்பாடாது) கல்யாணம் ஆகாத மைனர் குஞ்சுங்க நாலு பேரு கட்டாயம் ஒவ்வொரு ஊருலயும் இருப்பானுங்க. நம்ம ஃப்ரெண்டு க்ரேஸியோட ஃப்ரெண்டு லிஸ்ட்,லயும் இதுல பலபேரு இருந்தானுங்க. (எவன்யா அது என்ன உத்து பாக்குறது??? - மைண்ட் வாய்ஸ்)

அன்று ஒரு நாள் நான் க்ரேஸிய சந்திக்க போக,க்ரேஸி ஒரு மைனர் குஞ்சு வீட்டுக்கு போக ரெடியா இருக்க, எனக்கும் அவன் கூட போக வேண்டியாகிடுச்சு.

வீட்டுக்குள்ள போய் ஒரு ரூம்ல ஒரு கதிரையும் கட்டிலும் இருந்தது (ரூமுக்குள்ள மைதானாமா இருக்க போகுது????).  நான் கட்டிலில் உட்காரப் போக க்ரேஸி, டேய்!! கட்டில்லயா உக்காரப் போற???  இண்டீஸ்ண்ட் ஃபெலோவ்!!! எங்க போனாலும் இன்னொருத்தர் கட்டில்ல உக்காரக்கூடாது.. யூ நோ???? நு மானத்த வாங்கின பிக்காளிப் பய (ஆமா... இவரு அசிங்கப்பட்டதே இல்லையாக்கும்...) அங்கிருந்த கம்ப்யூட்டருக்கு பக்கத்துல இருந்த புது adjustable chairல போய் உக்கார, அது வரை சரியாக இருக்கப் படாமல் இருந்த கதிரை சர்ரென் கீழே வழுகிச் செல்ல, க்ரேஸியின் அந்தரத்தில் பரந்த கால்கள் கம்யூட்டர்மேசையின் அடியில் சென்று மோத, அதிலிருந்த ஆணியொண்று க்ரெஸியின் பெரு விரலை பதம் பார்த்தது. காலில் தக்காளிச் சட்னியுடன் விழுந்த க்ரேஸியை மல்லாக்கா தூக்கி வந்து கட்டிலில் குப்புர படுக்க வைத்தோம்.

அசிங்கப்பட்டான் க்ரேஸி.. இனிமே அடங்கிப் போவான்னு நீங்க நெனச்சா, வாயில பினாயில் ஊத்தி கழுவனும். கட்டில்லகிடந்த க்ரேஸி, மை. குஞ்ச பாத்து “அண்ணே!!! உங்க கட்டில்ல இருக்குறது பீச்ல இருக்குறது மாதிரி இருக்குண்ணே!!னு சொல்ல, மை. குஞ்சுடன் பெருமிதத்துடன் “ஏன் தம்பி அவ்ளோ காத்தோட்டமாவா இருக்கு’’னு கேட்க, இல்லண்ணே!!! கட்டில்ல அவ்ளோ மணலா இருக்கு..அதுதான் கேட்டேன். இத தட்டி சுத்தப்படுத்தவே மாட்டீங்களா??? னு சொல்ல மை. குஞ்சுவின் மூஞ்சுல ஈயாடல. அது எப்படியோ க்ரேஸியோட பேச்ச கேட்டு எனக்கு வயித்த கலக்கிடுச்சு. சந்தைக்கு போன அண்ணன் சண்டையோட வருவான்னு ஒரு வடிவேல் டையலாக் இருக்கு....அது எப்படியோ, க்ரேஸியோட போற எவனா இருந்தாலும் கிழிசலோடத்தான் வந்து சேருவாங்குறது நாம் அனுபவத்துல கண்ட உண்மை.

தன்னை சுதாகரித்துக் கொண்ட மை. குஞ்சு “ தம்பி.. நான் ஒரு ஒண்டிக் கட்ட.. என் வேலைகளை செய்யவே நேரமில்ல. இதெல்லாம் எப்போ செய்ரது??’னு மை.குஞ்சு ஃபீல் பாண்ண, கல்யாணம் ஒண்ண பண்ண வேண்டியதுதானே? நான் சொல்ல, கடந்த இருபது வருஷமா .. சாரி கடந்த இரண்டு வருஷமா நானும் பாக்குறேன். எதுவுமே சரியா அமையல. இப்பொழுதுதான் ஒரு சம்பந்தம் வந்து எல்லாம் நல்ல படியா முடியப் போகுது. நாளைக்கும் பொண்ணு வீட்ல இருந்து வர்ராங்க.. எல்லாம் சரியா இருந்தா நாளைக்கு Date fix பண்ணிடுவாங்க.. எப்டியும் ஒரு வாரத்துல கல்யாணம் ஆயிடும் தம்பி. நாளை பொண்ணு வீட்டாரை கவர்ரதுக்கு எதாவது பண்ணனுமே!! அதுதான் அங்க இங்கனு ஓடியாடிட்டு இருக்கேன். ஏதாவது நல்ல ஐடியா இருந்தா சொல்லுங்க தம்பி’னு க்ரேஸிஐ பார்த்துக் கேட்டாரு. சில பேருக்கு நல்ல நேரம் வந்தாலும் தன் வாயால அதை விரட்டி விட்ருவாங்க.. மை. குஞ்சும் அதுல ஒருத்தர்தான்.

க்ரேஸிக்கும், மை.குஞ்சுக்கும் நடந்த உரையாடல்...

அண்ணே!! இரண்டு வருசமா பொண்ணு பாத்து வேல ஆகுமா??? என்னய பாருங்க.. இரண்டு வயசுல இருந்து பாக்குரேன். இன்னும் ஒண்ணு கூட திரும்பிப் பாக்கவுமில்ல.(இதுக்கு பிறகும் யாரும் பாக்கப்போறதில்ல.... - மைண்ட் வாய்ஸ்) ஆமா... உங்களுக்கு எத்தன வயசாகுது??

எனக்கு 25 வயசு தம்பி

கிரிரிரிர்கிர்.) அண்ணே!! எங்களுக்கே 24தாண்ணே!! ஒரு பொய் சொல்லும் பொது அதுல கொஞ்சம் உண்மையும் இருக்கணும்ணே!!! சரி.. வர்ர பொண்ணு வீட்டாளுங்களூக்கு என்ன பலகாரம் வைக்க போரீங்க....

மை. குஞ்சுவும் சில பல சிங்களப் பலகாரங்களை எடுத்து விட க்ரேஸி டென்ஷன் ஆகிட்டான்.
அண்ணே!! உங்களுக்கு வயசு 40க்கு மேலாகுது.. நான் சொல்ரது சரிதானே???

எப்படி தம்பி சரியா கண்டுபுடிச்சீங்க...???

இந்த மாதிரி போர்த்துக்கீசர் காலத்து பலகாரங்கல வச்சாலே உங்க வயசு தெரிஞ்சுராதா??? கொஞ்சம் புதுசா யோசிங்கண்ணே!!!! நான் சொல்ர ஐடங்களை வாங்கி வச்சு பாருங்க.. ஒரு கிழமைல நீங்க மாப்லயா இருப்பீங்க’னு புதிய ஐட்டங்கள் சிலவற்றை எடுத்து விட்டான் க்ரேஸி.

கடைசியா அண்ணே!!! வர்ரவங்களுக்கு குடிக்க என்ன குடுப்பீங்க’னு கேக்க, மை. குஞ்சும் டீ குடுக்கலாம்னு இருக்கேன்னு சொல்ல க்ரேஸி Again Tension.....


அண்ணே!!! புதுசா யோசிங்கணு சொண்ணேன்ல...

தம்பி.. பழைய டீயையா குடுக்க முடியும்.. புதுசாத்தான் ரெடி பண்ணி குடுப்போம்ல..

யோவ்!! அத சொல்லலையா... டீக்கு பதில் வேறேதாவது குடுக்கலாம்.. ம்ம்... ஒண்ணு பண்ணலாம்.. டீக்கு பதில் ஐஸ்கிரீம் வைக்கலாம்.

சூப்பர் தம்பி.. நாளைக்கே போய் ஐஸ் கிரீம் வாங்கிட்டு வந்துர்ரேன்.

நாளைக்கா??? 40 வருஷம் லேட் ஆகினது போதாதா??? இப்பொழுதே போய்வாங்கிட்டு வாங்க... (மை.குஞ்சு ஏதோ பேச முயல)“அண்ணே!! கல்யாணம் நல்ல படியா நடக்கனும்னா எதிர் பேச்சு பேசாம நான் சொல்ரத மட்டும் செய்ங்க...

மைனர் குஞ்சுவும் கடைக்குச் செல்ல நாமளும் க்ரேஸியை கைத்தாங்களாக பிடித்துக் வந்து சேர்ந்தேன்.

******

அடுத்த நாள் இரவு க்ரேஸி கிட்ட இருந்து போன். மிஸ் கால் மட்டுமே அடிக்கிரவன் இன்னைக்கு என்னடா விடாம கால் அடிக்கிறானேனு பார்த்தா, மச்சி.. ரெண்டு நாள் உங்க வீட்ல ஒழிஞ்சிக்கலாமா??”னு அலர்ரான்..ஏண்டா’னு கேட்டதுக்கு, மச்சி.. மைனர் குஞ்சு கல்யாணம் நிண்டு போனதுக்காக ஆளுங்களோட என்ன அடிக்கிறதுக்கு விரட்ராண்டா... கால்ல வேற காயம். வழமை மாதிரி என்னால ஓடித் தப்பிக்கவும் முடியல, என்ன காப்பாத்து மச்சி’னு ஒரே ஒப்பாரி....

டேய்... நீதானே பெரிய இவன் மாதிரி ஐடியா குடுத்தே!!!! என்னாச்சுடா???

நேற்று ஐஸ்கிரீம் வாங்க சொன்னோமே!!!! அந்த நாதாரி,அவன் வீட்ல ஃப்ரிட்ஜ் இல்லைனு ஒரு வார்த்த சொன்னானா??? இல்லைல..(நீ எங்கடா அவன சொல்ல விட்டே??? - மைண்ட் வாய்ஸ்) அவன் ஐஸ்கிரீமைவாங்கி வந்து அப்ப்டியே வீட்ல வச்சிருக்கான். அடுத்த நாள் நாரிப்போன அதே ஐஸ்கிரீமை பொண்ணு வீட்டாருக்கு குடுக்க, கல்யாணம் கென்சல் ஆயிடுச்சு...

என்னது?? ஃப்ரிட்ஜ் இல்லையாமா???

யோவ்!! கரண்டே இல்லையாம்யா.... பில்லுலி கட்டாததால கரண்டு லைனை வெட்டி 2 வருஷமாகுதாம். அந்த கம்ப்யூட்டரும் டேபிளும் கூட பக்கத்தூட்டுல வாங்கின செட்டப்,பாம்யா...

கிர்ர்ர்ர்ர்ர்ர்ர்



Wednesday 29 July 2015

Ebayனா இளிச்சவாயனுங்களா???



போன வாரம் கடைல ஒய்யாரமா உக்காந்துட்டு இருக்கேன், இந்த வாரம் எந்தப் பைத்தியத்துகிட்ட சிக்கனமோ, அந்த பைத்தியம் கஸ்டமர் ரூபத்துல வந்து முன்னுக்கு நின்னுச்சு...

அண்ணே!!! எனக்கு கட்டாயமா ஒரு பொருள் வாங்கணும்ணே... எவன கேட்ட்டாலும் ஈ பாய் கிட்ட வாங்கு... ஈ பாய் கிட்ட வாங்குங்குறானுங்க... யார்ணே அந்த ஈ பாய்?? அவ்ளோ பெரிய பிஸ்னஸ் மேனா???

டேய்!! அது e bay'டா..

ஓ... அப்டியா??. அந்தக் கடை கிழக்கு மாகாணத்துலயா இருக்கு???

ஏன் பக்கி?? எதுக்குடா அது கிழக்கு மாகாணத்துல இருக்கனும்???

Arugam Bay, China Bayணு எல்லா ஊரும் அங்கதானே இருக்கு???

கர்ர்..த்தூ... அதுக்கு நீ என்கேயுமே போக தேவல.. இங்கிருந்தே வாங்கலாம். புரிஞ்சுதா???

சரிண்ணே.. E-bay கடைய எந்த நேரம் திறப்பாங்க??? எப்போ மூடுவாங்க???

டேய்!! அது கடையில்லடா... ஆன்லைன் மார்க்கட்டிங்.. புரிஞ்சுதா??

அப்போ, எப்ப ஆன்லைன்ல இருப்பாங்க?? எப்போ எப்போ offlineல இருப்பாங்க???

அவ்வ்வ்.... வேற என்னவாவது கேளுடா .. முடியல...

அப்டின்னா?? நம்ம ஊர்ல உள்ள ஷேர் மார்க்கட் மாதிரியா???

கிர்ர்ர்... நம்ம ஊர்ல ஷேர் மார்க்கட்’டா??? அதெங்கடா இருக்கு??/  நம்மளுக்கே தெரியாம...

நம்ம சந்தைக்கு பின்னாடி உள்ள மூத்தர சந்துல இருக்கே ஒரு ஆபீஸ்.நெறைய பேரு இங்க்லீஸ் பேப்பர் படிச்ச்சிட்டு இருப்பாங்களே??

என்னது??? மூத்தர சந்துல ஷேர் மார்க்கட்டா????  கர்ர்ர்,,த்தூ... டேய், சூதாட்ட விடுதிடா நாதாரி...

அப்போ அந்த E-bay எங்கண்ணே இருக்கு??

தம்பி அது ஆன்லைன் மார்க்கட்டிங்’ப்பா... இன்டெர்னெட் மூலமா தேவையான பொருள ஆடர் பண்ணி க்ரெடிட் கார்ட் மூலமா பணம் குடுத்தா, அவங்க பொருள நம்ம வீட்டுக்கே அணுப்பி வச்சிடுவாங்க. ஆமா உன்கிட்ட க்ரெடிட் கார்ட் இருக்கா????

க்ரெடிட்’னா ஊரெல்லாம் இருக்குண்ணே.. க்ரெடிட் கார்ட்’னா இன்னும் இல்ல. அங்கயும் கடன் தருவாங்கனு தெரிஞ்சிருந்தா எப்பவோ வாங்கியிருப்பேன்...

கர்ர்ர்....(ச்சே இவனுக்கு காரித்துப்பி துப்பியே என் தொண்ட வத்திடுச்சு. இந்தப் பழக்கத்த இன்னையோட நிறுத்தனும் - மைண்ட் வாய்ஸ்)

Tuesday 14 July 2015

தலைவா - Time to ESCAPE

காலேஜ்ல,
ஒருவாறு கீழ் வகுப்புல இருந்து மேல் வகுப்புக்கு போய் சேர்ந்தாச்சு. மேல்வகுப்புக்கு வந்து பார்த்தா, நம்ம பழைய நண்பர்களில் டட்ஸனும், பாப்’ம் மட்டும்தான் இருக்கானுங்க. மத்தவனுங்க எல்லாம் புதிய பசங்க. க்ரேஸி, புள்ளி ராஜா வேற வகுப்பு.

மேல் வகுப்புக்கு வந்தா Prefect (மாணவர் தலைவர்) தேர்வு செய்வாங்க. நம்ம வகுப்புல டட்ஸனும், பாப்’ம் ஆல்ரெடி மாணவர் தலைவர், மத்தவுங்க எல்லானும் புதுசு, காலேஜ் மெனேஜ்மெண்ட்டுக்கு வேற வழியே இல்லாம நம்மளையும் மாணவர் தலைவனாக்கிட்டாங்க. நக்கலா சிரிக்காதீங்க... க்ரேஸிஐயோ, புள்ளி ராஜாவையோ மாணவர் தலைவராக்கல.. Note the Point...

நாம சும்மாவே உருவத்துல சிறிசு, அது போக திருட்டு முழி வேற கூடவே பொறந்தது. நாமெல்லாம் மா. தலைவர்னு அம்மா சத்தியம் பண்ணினாத்தான் நம்புவனுங்க. அதனால Senior Prefectஇடம் கெஞ்சி கூத்தாடி சின்ன வகுப்புக்கு என்னை நானே நியமித்துக் கொண்டாச்சு..

சும்மா சொல்லக் கூடாது, அந்த க்ளாஸ்ல ஒரு பத்து, பதினைஞ்சு பேரு நம்ம கிட்ட அடி வாங்குறதுக்கே அளவெடுத்து செஞ்ச மாதிரி இருந்தானுங்க. அப்புறம் என்ன?? இதுவர மா. தலைவர்களிடம் நாம் பட்ட அதேஅவஸ்தைய நம்ம கிட்ட அந்தப் பசங்க பட்டு மாஞ்சானுங்க....

நம்ம காலேஜ்ல முக்கியமான ஒரு சட்டம் இருக்கு, அதாவது டவுசர் போடாம வந்தா கூட உள்ள விட்ருவானுங்க. ஸ்கூல் பேட்ஜை சட்டைப் பைல தைக்காம வந்தா கேட்டைக் கூட தொட விடமாட்டானுங்க. பேட்ஜை நாலு பக்கமும் நல்ல முறைல தச்சிருக்கனும், ஆனா, சில பசங்க அவசரத்துல பேட்ஜை வைத்து பின்’னால குத்திட்டு வருவானுங்க. சில பேரு லைட்டா தச்சுட்டு வருவானுங்க. அத புடிங்கி அவனுங்க கைல குடுத்து, நாளை வரும் போது, சரியா தச்சுட்டு வர சொல்லி எச்சரிக்கனும்.நீங்க காரித் துப்பினாலும் பரவால ஒரு உண்மைய சொல்ரேன், மா. தலைவர் வேலைலயே எனக்கு புடிச்சது இந்த வேலதான்..

அடையாளப் படம்
பேட்ஜை பிடுங்கும் போது சில வேளை, பேட்ஜுடன் சேர்ந்து பாக்கட்டும் கைக்கு வந்துடும். அப்புறம் நம்ம உச்ச கட்ட அதிகாரத்த பிரயோகித்து அவனை அடக்க வேண்டி இருக்கும். சில வேளை, உச்ச கட்ட அதிகாரம்னு சொல்ரது வெள்ளைக் கொடியாகவோ, அதை விட கீழ்த்தரமாகவோ இருக்கும். அவ்வ்....விட்ரா விட்ரா நீ படாத அவமானமா?? பார்க்காத அசிங்கமா?? கேக்காத கெட்ட வார்த்தையா???

ஒரு நாள் டியூட்டில இருக்கேன், அம்மாஞ்சியா ஒருத்தன் வர்ரான். அவன் மூஞ்ச பாத்தா முசுப்புக்கே(அலுப்பு) மூஞ்சில மூனு குத்து குத்தலாம் போல இருக்கும். இவன வச்சு நாம ரவுடி ஆகிடலாம்னு அவன நல்லா நோட்டம் விட்டேன், நம்ம கிட்ட இருந்து அவ்ளோ ஈஸியா எஸ்கேப் ஆகலாமா?? அவனோட ஸ்கூல் பேட்ஜ் ரெண்டு பக்கம் தைக்காம இருக்குறது என் கண்ணுல பட்டிடுச்சு.

டேய்!!! இங்க வாடா????னு கூப்டதும் பம்மிகிட்டு வந்தான், என்ன நடக்க போகுதுனு எதிர் பார்த்திருப்பான் போலும், பேட்ஜை ஒழுங்கா தைக்கலல’னு சேர்ட்டை புடிச்சு அவன் பேட்ஜை இழுக்க, அவனும் என்னவோ சொல்ல முயல, அவன் பேட்ஜ் என் கைல வந்தது...

பேட்ஜ் மட்டும் வந்திருந்தா பரவால...பாக்கெட்டும்.....


பாக்கெட் மட்டும் வந்திருந்தாலும் கூட பரவால.....அவ்வ்வ்வ்

அவனோட ஷேர்ட்டும் சேர்ந்து கிழிந்து என் கைக்கு வந்துடுச்சு....

சனியன் அன்னக்கி பனியனும் போட்டில்ல.. நெஞ்சுப் பகுதி அப்டியே வெளியே தெரிய, உடனே அழ ஆரம்பிச்சுட்டான்.

சாரிடா தம்பி.. தவறுதலா ஆச்சுடா...

போங்கண்ணே!!! இது எங்க மூத்த அண்ணன் போட்ட சேர்ட்டு.. கிழிச்சுட்டீங்களே!!!

அடப்பாவி நான் புதுசோ’னு நெனச்சு பயந்துட்டேண்டா.... ஆமா, நீ உன் குடும்பத்துல எத்தனையாவது ஆளு???

7வது...

அடப்பாவி. கவர்மெண்ட்  ஃப்ரீயா சட்டைப் புடவை குடுக்க, நீ ஒரே சேர்ட்ட ஏழு தலைமுறையாவா உடுக்குறே???? மவனே இந்த சேர்ட்டோட சேர்த்து, உன்னையும் மியூசியத்துல வச்சிருவேன் பாரு...ஓட்ரா.....

வெளிய வா... என் ஆறு அண்ணனையும் கூட்டி வர்ரேன்.

அடுத்த மூனு நாளா நான் காய்ச்சல் காரணமா காலேஜ் போகல, நான் ஏன் இத இங்க சொல்ரேண்ணா, நான் அவன் அண்ணன்ங்களுக்கு பயந்து காலேஜ் போகலனு நீங்க யாரும் தப்பா நெனக்க கூடாது பாருங்க...

Tuesday 7 July 2015

பெட்ரோல்மக்ஸ் லைட்டேத்தான் வேணுமா???

சம்பவம் 1:
அன்று கடையை மூடி விட்டு வீடு செல்ல கொஞ்சம் லேட் ஆயிச்சு. பொதுவா இருட்ட முன்னாடியே கிளம்பிடுவேன், அன்று அது மிஸ்ஸிங். வளைவுகள் நிறைந்த வீதி, அதனால் ஒரு பைக்கின் பின்னால் மெதுவாக சென்று கொண்டிருந்தேன். வளைவுகள் முடிந்து கொஞ்சம் நேரான பாதை வர பைக்கை முந்திடலாம்னு எக்ஸ்லேட்டரை முறுக்க, திடீர்னு முன்னாடி வந்து நின்றது ஒரு சைக்கிள்.

ப்ரேக் பிடிக்க நினைக்கவும் முடியல, கொஞ்சம் பாதையின் வெளியே நான் திருப்ப, நேருக்கு நேர் மோதாமல் சைக்கிளோட Handle என் கையை பதம் பார்க்க என் சைட் கண்ணாடி சைக்கிள்காரனுடைய கையை பதம் பார்க்க, வெவ்வேறு திசையில் போய் விழுந்தோம். பைக் விழாமலிருக்க முயற்ச்சி செய்ததில் எனது காழும் கையும் தசை பிடிப்புக்காளாகி விட்டது.

விழுந்தவுடன் பைக்கை தூக்கவுமில்லை, உடனே சைக்கிள்காரனிடம் ஓடிச் செல்ல அவனும் மெதுவாக எழுந்துவிட்டான். ஒரு 70 வயது மதிக்கத் தக்க ஒரு கிழவன், நல்லா குடிச்சிருந்தான். “என் மேலஎந்தத் தப்பும் இல்ல, நான் என் பக்கத்துலதான் வந்தேன்”னு கத்திகிட்டு இருந்தான். அதற்குள் கூட்டமும் சேர்ந்துவிட்டது.

அவனுக்கு கையில் கொஞ்சம் ரத்தம் கசிந்திருந்தது, அவனை அதை பார்க்க விடவில்லை, சைக்கிளுக்கு எந்தக் காயமும் இல்லை. பொதுவா இப்படி விபத்துக்கள் நடந்தால் நம்மளிடம் பணம் அறுத்து விடுவார்கள். சிங்கள ஊர், அடிபட்டவனும் சிங்கள ஆளு, கொஞ்சம் விட்டா நம்மள மேய்ஞ்சிடுவானுங்க,அதனால யாரையும் வாய் திறக்க விடல, நானே வலவலனு பேசி, அந்தக் கிழவன யோசிக்கவே விடாம, அவசரமாக அந்த இடத்திலிருந்து அனுப்பிவிட்டு எஸ்கேப் ஆனேன்.

அந்தக் கிழவன் சைக்கிளில் எதாவது ஒரு வெளிச்சம் கொண்டுவந்திருந்தால் அந்த விபத்து தடுக்கப் பட்டிருக்கும். அட்லீஸ்ட்,ஒரு Reflection Lightஆவது சைக்கிளில் வைத்திருக்க வேண்டும். டுபாயில் சைக்கிளில் போவோர் கட்டாயமாக Reflection kit, Helmet அணிந்திருக்க வேண்டும். இது போன்ற சட்டங்கள் நம் நாட்டிலும் வேண்டும்.

சம்பவம் 2:
இந்த அம்பவம் முடிந்து ஒரு வாரம் இருக்கும், பக்கத்து டவுனுக்கு போகலாம்னு பேமிலியுடன் ஆட்டோவில் கிளம்பினேன். பெட்ரோல் ஷெட்’டில் பெட்ரோல் அடித்துவிட்டு, ரோட்டுக்கு ஆட்டோவை போட பார்க்கும் போது, திடீர்ன்னு ஒரு லைட் இல்லாத சைக்கிள்காரன் முன்னாடி வந்து சேர, மனைவி போட்ட சப்தத்தில் ஒரு ரத்தக் களரி ஜஸ்ட்டு மிஸ்ஸு. எனக்கு செம டோஸ் கிடச்சதுனு நான் சொல்லாமலேஉங்களுக்கு தெரிந்திருக்கும்.
அப்படியே ஒரு மூனு கிலோ மீட்டர் போயிருப்போம், புதுசா போட்ட நல்ல கருப்பு ரோடு, அதுல ஏதோ வெளிச்சம் அசையுர மாதிரி தெரிந்தது. பக்கத்துல போகும் போதுதான் பார்த்தேன், கருப்பு ரோட்டுல கருப்பு ட்ரெஸ்ல அதே கலருல ஒரு கிழவி விழுந்து கிடக்குறா. நான் ப்ரேக் அடிச்சு வண்டிய சமாளிக்கிறதுக்குள்ள, மெதுவா எழுந்து ஓரமாயிடுச்சு அந்தக் கிழவி,

கையில் வெளிச்சம் இருந்ததால் அன்று ஒரு விபத்து தடுக்கப் பட்டது, இல்லாவிட்டால் கிழவி என் ஆட்டோவுக்கடியில் “ஆச்சி65” ஆயிருக்கும். ஓ மை காட்!!!

சம்பவம் 3:
இரண்டாவது சம்பவம் நடந்து ஒரு வாரம் இருக்கும், ஒரு நாள் இரவு பள்ளிக்கு ஆட்டோல போய் தொழுதுட்டு வெளிய வந்து பாக்குறேன், ஒரு நாய் ஆட்டோ சீட்டுல புதுசா போட்ட சீட் கவர்ல ஒய்யாரமா படுத்துட்டு இருக்கு. ஆட்டோக்குள்ள இருந்ததால நாய அடிக்க முடியல. புது சீட் கவர கழுவ சோம்பரத்துல வீசிட்டேன்.

அடுத்த நாள் இரவு மஸ்ஜித்திலிருந்து வெளியே வர்ரேன், அதே நாய் ரோட்டுப் பக்கமா இருளுக்குள்ள ஒட்டிட்டு இருக்கு, வந்த கோவத்துல கைல கெடச்ச செங்கள் பாதிய ஒரே வீசு. இருட்டிலிருந்து “அய்யோ... அம்மா”னு கதறல் சத்தம்.

ஆஹா.. தமிழ் தெரிஞ்ச நாயா இருக்குமோனு டார்ச்சை எடுத்துட்டு போய் பார்த்தா, வெள்ளையும் சொல்லையுமா நம்ம ஊரு கல்யாண ப்ரோக்கர் காலில் ரத்த காயத்தோடு ரோட்டில் விழுந்து கிடக்க, பக்கத்துல நான் வீசின செங்கல் பாதி.

சாரிண்ணே!! நாய்க்கு அடிச்சது.... தவறுதலா...

என்ன பாத்தா நாய் மாதிரியாடா இருக்கு.....


இல்லண்ணே!!  நாய பாத்தாதான் உங்கள மாதிரி இருக்கு(ஆனா ஊருக்குள்ள அத விட கேவலமாத்தான் உங்கள பாக்குராங்க....- மைண்ட் வாய்ஸ்)

டேய்!! எனக்கும் நாய்க்கும் வித்தியாசம் தெரியலயா????

அது உங்க தொழில் மகிமைண்ணே!!!!

டேய்!!!!

அங்கயும் கூட்டம் கூட, கல்யாண ப்ரோக்கர் மேல ஊர் மக்களுக்கு இருந்த கடுப்புல என் தலை தப்பியது. இருட்டில் வராமல் ஏதாவது ஒரு வெளிச்சம் கொண்டுவந்திருந்தால் கல்யாண ப்ரோக்கருக்கு செங்கல் பாதியால் அடி வாங்கியிருக்க வேண்டியதில்லை.

Wednesday 1 July 2015

என் உச்சி மண்டைல....



போன வெள்ளிக் கிழமை,
பகல் வேளை,
மஸ்ஜித்துக்கு போகலாம்னு அவசரமா கடைய மூடிட்டு இருக்கேன் கடைசி கதவை போடும் நேரம் பார்த்து, பக்கத்து ஊர்ல சலூன் நடத்துர நம்ம உலக மகா கஸ்டமர் ஒருத்தன் வந்துட்டான்..

அண்ணே!!! அவசரமா கத்தரி (Scissors) ஒன்னு குடுங்கண்ணே!!

தம்பி, தம்பி கடைய மூடிட்டு இருக்கேன், கோவிச்சுக்காம வேற எங்கயாவது போய் வாங்கிக்கோப்பா..

அதெல்லாம் முடியாதுண்ணே!!! சீக்கிரமா குடுங்க..ரொம்ப அவசரம்..

முடியா..

அண்ணே, பேசிட்டு இருக்குர நேரம் குடுத்திருக்கலாம்ல.. சீக்கிரம்னே....

தொல்ல தாங்க முடியாம போய் கத்தரியை எ டுக்க வேறெதையோ எடுத்தேன். அத கைல வாங்கிட்டு ஓட பார்த்தான்.

டேய்!! அது பென்சில் பாக்ஸ்’டா..அத குடு.. இதோ இருக்கு நீ கேட்டது...

இதோ பணம் இருக்கு...குடு குடு குடு குடு...

டேய்!!! எதுக்கு இப்போ குடுகுடுப்பை காரம் மாதிரி அடிக்குரே.. கொஞ்சம் பொறுடா.. பேக்ல போட வேணாமா....???

போக்;லாம் தேவல. நான் என் பாக்கட்லயே வச்சுக்குறேன். வரட்டா...

ஆமா.. மீதி பணம் வேணாமா?? அத நான் என் பாக்கட்ல வச்சுக்கவா....

சீக்கிரம் குடுங்கண்ணே!!!! அய்யோ!!!! லேட் ஆவுதே!!!

இந்தா மீதி..போய் தொலை. . கத்தரிய டவுசர் பாக்கட்ல போட்டிருக்கே, எங்கயாவது, எதையாவது அறுத்துட போகுதுடா....

அட்வைஸ் பண்ர நேரமாணே இது??? சலூன்ல ஒருத்தன் பாதி முடி வெட்டின நிலமைல இருக்காண்ணே!!!

அடப்பாவி.. இத முதல்லயே சொல்ல வேணாமாடா???


அவன் போனதுமே கடைய சாத்திட்டு ஜும்மாவுக்கு போய்ட்டு, ஜும்மா தொழுகை முடிஞ்சு சாப்டு விட்டு, சுமாரா ரெண்டரை மணித்தியாலத்துக்கு பிறகு கடைக்கு வர்ரேன், கத்தரி வாங்கின பார்ட்டி கடை வாசல்ல குந்திகிட்டு இருக்கான்.

டேய்!! அதுக்குள்ள கடைக்கு போய் வந்துட்டியா???

அழும் தொனியில்...
நான் எங்கண்ணா கடைக்குப் போனேன்???  அவசரத்துல என்னோட பைக் சாவிய உங்க கடைக்குள்ள வச்சுட்டேண்ணே!!!  அவ்வ்.....

கிர்ர்ர்ர்........அப்போ, முடி வெட்டிட்டு பாதிலயே விட்டுட்டு வந்தியே, அந்தாளோட நிலைமை என்னாடா???

யாருக்குண்ணே தெரியும்??? இனிமே நான் சலூன் பக்கம் போனாத்தானே!!!!