Friday 29 May 2015

டுபாயில் சாக்கடை




வெளிநாட்டில் தனியாக இருப்பது என்பது கொடுமை. நம்ம நண்பன் சாக்கட சாமிலுடன் இருப்பது அத விட கொடுமை.

சாக்கட சாமில் டுபாய் வந்து ஒரு மாதம் கூட இருக்காது, தனியாக வெளியே கிளம்பிட்டான், சாக்கடையுடன் எவனும் வெளியே போக தயாரில்லை என்பதும் ஒரு காரணம். 

போய் கொஞ்ச நேரத்துல போன்ல சாக்கடை,
டேய் மச்சான், சேர்ட் வாங்கலாம்னு ஒரு புடவைக் கடைக்கு வந்தேண்டா, ஒரு பாகிஸ்தான்காரன் கொடுக்க முடியாது’னு வம்புக்கிழுக்கிறான், அவன நான் கொல்லாம விடமாட்டேன்... டேய்!!

டேய்!! சாக்கட..கொஞ்சம் பொறுடா நான் வர்ரேன்.. எங்கடா இருக்கே???? 

மச்சி நான் Industrial Area'ல இருக்கேண்டா...

உடனே போன கட் பண்ணிட்டு வெளியே கிளம்பினேன்.. என் மனவோட்டம் சுழல ஆரம்பிச்சது.. 

“Industrial Areaல ஒரு துணிக் கடையா?????? சாக்கடைக்கு ஹிந்தி/ உருது எல்லாம் கணக்கு பாடம் மாதிரியே.. சுத்தமா தெரியாதே!!!
சாக்கடை பாகிஸ்தான் காரண புடிச்சு வக்கிரதா??? நிச்சயமா பாகிஸ்தான் காரன்,தான் சாக்கடைய புடிச்சு வச்சிருபான்..- மைண்ட் வாய்ஸ்

அங்கு சென்று பார்த்தபோது என் மைண்ட் வாய்ஸ் சரியாகத்தான் இருந்தது, அங்கு ரெண்டு பட்டாண் (பாகிஸ்தானின் பெஷாவர் பகுதியை சேர்ந்தவர்கள்) சாக்கடையை அமுக்கி வைத்திருந்தார்கள்.
டேய்!!! சாக்கட, இங்க எதுக்குடா வந்தே... என்னடா பிரச்சனை???

ஒரு சேர்ட் வாங்கலாம்னு இந்தப் பக்கம் வந்தேன்,இவன் கடை முன்னாடி நிறைய சேர்ட் வச்சிருந்தானுங்க, நான் போய் கேட்டதும் நிறைய சேர்டை எடுத்து முன்னாடி வச்சான், அப்புறமா நான் எனக்கு பிடிச்சத தேடி குடுத்த புரட்டி புரட்டி பாத்துட்டு, தர முடியாதுங்குறான். இவன இன்னைக்கு விடக் கூடாதுடா...

கர்ர்ர்..த்த்தூ.... டேய் வெண்ண... இது Laundry Shop'டா பக்கி...உனக்கு உருது தெரியல,அவனுக்கு தமிழ், ஆங்கிலம் தெரியல. நீ Laundry'ல குடுத்த சேர்டை எடுக்க வந்ததா நெனச்சு உன் முன்னாடி சேர்ட்களை வச்சிருக்கான், நீ ஒரு சேர்ட்ட எடுத்ததும், அதன் நம்பர பாத்துட்டு, வேறொருத்தோரடதுனு எடுத்து வச்சிருக்கான். அது புரியாம நீ அவன் கூட மொக்குத்தனமா சண்ட போட்டிருக்கே!!!   கொஞ்சம் விட்டிருந்தா உன் கால கைய வெட்டி ”கபாப்” பண்ணியிருப்பான்டா பக்கி.

அப்புறம் பாகிஸ்தானியிடம் மன்னிப்பு கேட்டுவிட்டு வெளியே வந்தோம். இனிமே சாக்கடய எங்கயும் தனியா அனுப்பக் கூடாதுனு நெனச்சேன். அடுத்த வாரமே அதுக்கும் வச்சான் பாருங்க ஆப்பு... அது அடுத்த பதிவில்....

Friday 22 May 2015

தலைவலிக்கு எண் ஒன்றை அழுத்தவும்



நாம ஒழிஞ்சிட்டு இருந்தாலே ஒன்பது பேரு வந்து கடுப்பேத்துவானுங்க, வெளில போனா சொல்லவுமா வேணும்??? (நீ என்ன டுபாக்கூரு வேல செஞ்சிட்டு ஒழிஞ்சிட்டு இருக்கியோ??? எவனுக்கு ஆப்படிக்க வெளில போறியோ???)

கடையில்,
தெரிஞ்ச ஒரு ஆள் வந்து "தம்பி, எனக்கொரு E-mail அனுப்பனும்னு சொன்னாரு(நீ ஈ விரட்டி கிட்டு இருக்கேன்னு யாரோ சொன்னத தப்பா புரிஞ்சு்கிட்டு நம்ம கிட்டு வந்திர்ருப்பாரு போல) நானும் Addressஐ கேட்டு அனுப்பி வச்சுட்டேன். அது வர நல்லாத்தான் போய் கிட்டு இருந்திச்சு.

அப்புறம் மாலை நேரம் வந்தவர்,

தம்பி, அந்த E-mail போயிடுச்சா...???

போயிருக்கும்னு நினைக்கிறேன்..

என்ன தம்பி இப்படி பொறுப்பில்லாம சொல்றீங்க..(மூணு மாசம் பில்லே கட்டல...அப்புறம் எப்படி பொறூப்போட சொல்ரது????) “E-mail sent  successfully’னு ஒரு Message வரலையா??? 

இல்லண்ணே. அப்படியெல்லாம் வராதுண்ணே!!

அதெப்படி வராம இருக்க முடியும்??? தம்பி, sms பெருசா??? இல்ல, E-mail பெருசா???

ம்ம்ம்... E-mailதான் பெருசு... அத எதுக்கு கேக்குறீங்க??

என்னோட போன்ல sms பண்ணினா ”  sms sent  successfully”னு Message வருது..(எங்க போன்ல Balance not enough'னுதானே வருது)உங்க E-mailல வரமாட்டேங்குது.. தம்பி,உங்களுக்கு உண்மையாவே E-mail அனுப்ப தெரியுமுல்ல...(இப்போத்தான் நம்ம மூஞ்சியயும் மொகரக்கட்டயையும் சரியாப் பார்த்திருப்பானோ???)

அண்ணே... அது வேற இது வேற...

அதெல்லாம் எனக்குத் தெரியாது. முதல்ல உங்க Email என்னனு சொல்லுங்க..???

Gmail

ஊருக்குள்ள அப்படியொரு Email நான் கேள்விப்பட்டதே இல்லையே தம்பி, (டேய்!! நீயெல்லாம் கல்குலேட்டர்’னு ஒன்னு இருக்குரது கேள்விப்பட்டிருந்தாலே பெருசு) உங்க Email என்னதுனு கேக்குரேன்.. Airtel’ஆ Hutch’ஆ, Dialog’ஆ,இல்ல Mobitel’ஆ???

ஆஹா. ..இந்தப் பைத்தியத்த சமாளிக்க நாமளும் இவன் வழிக்கே போறத தவிர வேற வழியில்ல- மைண்ட் வாய்ஸ் (இதையேதான் அவன் மைண்ட் வாய்ஸும் சொல்லி இருக்குமோ)

என்னோடது Airtell Emailண்ணே.. 

என்ன தம்பி நீங்க இத முதல்லயே சொல்ல வேண்டியதுதானே!! என்னோடது Dialog தம்பி. அதுலதான்   sms sent  successfullyனு  Message வரும், Airtellஅ வராது போல..தம்பி, வயசுப் பசங்க கொஞ்சம் விவரமா இருக்கனும், இவ்ளோ வெள்ளந்தியா இருக்கக் கூடாது..வரட்டா..

அவ்வ்வ்.... (பைத்திய்மெல்லாம் ஃப்ரீ எட்வைஸ் பண்ணுர அளவுக்கு நம்ம நிலமை ஆயிடுச்சே!!)